شعر
الشاعره / اميره العوضي
يا بحر ياللى البنات
عملوك دوا الجرح
طب إزاي ي بحر
وانت مفكاش
سوى الملح
وخدينك طبيب
وحد قريب
إيه السر عندك وفيك
هوا انت بجد طبيب
طيب يا طبيب
الكشف حجز ومواعيد
وفيه أدوية ولا مفيش
طب فى مدد ع الشوزلونج
واسرح بخيالك بعيد
واضاءه هاديه ونور خفيف
وقلم ودفتر وتسجيل
ي بحري انت فيك
كل حاجة واى حاجه برده فيك
وأنا محتاجالك أنا بناديك
أنا والله أول مره أحتاج لطبيب
وعايزاك ي بحر اشكيلك
من طبيب
أيوه كان لجرحى طبيب
بس ادويته كانت غلط
وكل يوم الجرح عمال يزيد
هو نسانى ودايما الناسى بعيد
وأنا هموت وهو عني بعيد
وأموت ليه خلاص انت بقيت غريب
طيب يا غريب عامل إيه
وحياتك ماشيه ازاي
يعنى بعد ما أنا كنت الحياه دى
بسأل عليها من بعيد لبعيد
مش ي قلبي قالوا في الأمثال
البعيد عن العين بعيد عن القلب
هما طلعوا كدابين
الكدابين
معلش مهو مش كل المجروحين
كدابين
ده فى مجروحين ميتين
طب ي عم المرحوم
انت كنت فى حياتك
بخير
هبسطهالك ده أول جرح ليك
ولا اتجرحت كتير
يوه اتجرحت كتير
بس ده كان الجرح الكبير
ده آخر جرح ليا وآخر ضحك فيااا
وآخر دمع عيونى بكته عليا
طلعت يعنى عويل
الشاعره / اميره العوضي
ليست هناك تعليقات:
إرسال تعليق